رحلة شغف
Safaa Youssef Dokhan
نُشرت 2026-09-18
تجربة مرتبطة ببرنامج برنامج كوليج الاحترافي الشامل لتصميم مستحضرات التجميل وبناء عقلية الفورميوليتر — CFPM
المشروع: Blooming cosmatics
كيف كانت بدايتك قبل البرنامج؟
قبل ما ادخل البرنامج دخلت كورسين ودفعت فيهم مبلغ مو قليل بالنسبة الي وكل شخص من اللي دخلت معهم كان همه المصاري فقط ما استفدت منهم شي بس الشخص الأول عطاني شوية معلومات حقيقية لكن لما صار وقت الجد وحبيت صنع صار يخبي عليي حتى التركيبات ما يعطيني ياها ولما اسال هي التركيبة كيف صارت كان يغير الموضوع وما يحكيلي شي ابدا وقتها قررت اني ادخل كورس وابدا فيه من الصفر دورت كتير وكان عندي خيارين كان في كورس بسوريا وكورس بمصر وانا احترت وين الافضل وقتها حكيت مع اللي بده يعطي الكورس بسوريا لقيته شخص مادي بحت بس بده حدا يسجل معه مشان المصاري لما حكيت مع الدكتور محمد صار يتناقش معي ويسألني وحس بخوفي ،وقتها قلي رح ابعتلك لينك فيديو شوفيه وبعدها منحكي طمني وخلا الخوف يروح بنسبة كبيرة ولما شفت الفيديو اطمنت اكتر وحسيت حالي مع الشخص الصح حسيته وكأنه شايف الاسئلة اللي براسي وجاوبني عنها حسيت بالأمان بشكل غير عادي واستخرت رب العالمين وربي يسر لي التسجيل مع الدكتور الحمد لله الدكتور محمد ما مو همه يعطي تركيبات جاهزة الدكتور محمد بيعلمنا من الصفر حرفيا كيف نصنع تركيبتنا بعلمنا من بداية كلمة كوزمتك لوقت انشاء البراند
ما الهدف الذي التحقت بالبرنامج من أجله؟
بصراحة بالبداية كان الهدف اني ابدا بمشروع حتى ساعد حالي فيه ويكون الي مصدر دخل منه لكن وقت تعمقت بالبرنامج تحولت فكرتي من مشروع صغير لبراند عالمي بإذن الله يعرف كل تركيبة ليش تصنعت وشو البشرة المستهدفة الها وكل مادة تكون بمكانها مافي شي عشوائي
ما الذي تعلمته وطبّقته فعليًا؟
اللي طبقته اني صرت اتعامل مع الأدوات وكأني بمصنع حقيقي من التعقيم للوزن للحمام المائي لدرجة الحرارة كل شي بترتيب ونظام ما في اي عشوائية بالشغل لانه كل شي مسؤولين عنه أمام رب العالمين
حدّثنا عن مشروعك أو تجربتك التطبيقية.
بصراحة كنت عم رتب لمشروعي شوي شوي لكن حصلت معي ظروف اضطريت اني ابدا بشكل أسرع بس وقت بدأت مع كل الضغط اللي كان عليي الا اني كنت مبسوطة
ما التحديات التي واجهتك وكيف تعاملت معها؟
تحديات مالية وتحديات نفسية كل شخص كان يشوف ادواتي وتصنيعي كان يحكيلي ما رح يطلع معك شي وانتي عم تصرفي مصاريكي عالفاضي وبكرة رح تندمي بس الحمد لله شو ما صار معي رح كون رضيانة عالاقل عملت شي بحياتي استفدت منه مهما كانت النتيجة لكن أنا واثقة بالله تعالى ما رح يروح صبري واجتهادي عالفاضي إن شاء الله
ما النتيجة التي حققتها حتى الآن؟
النتيجة الحمد لله كل مين اخد من المنتجات كانت ردة فعله عنهم حلوة متل ما كنت متوقعة
ما النصيحة التي تقدمها لمتعلم جديد؟
نصيحة اذا لسا متردد وخايف ابدا وتجرأ واخطي اول خطوة بسلم النجاح مع الدكتور محمد لانه ما رح تلاقي حدا يعطي من قلبه ولا حدا بخاف رب العالمين بالمعلومة متل الدكتور محمد الدكتور محمد عم بقدملنا تجربته حتى نحنا نتفادى الأخطاء ونطلع بأقل الخسائر واي معلومة الدكتور محمد بيحكيها فهي كنز حقيقي